....امتى🖤
الكاتبة_تهاني بركات_ تكتب
💫💫💫💫💫💫💫💫💫
امتى العتمة هتنور ؟
معقول الخيبة بتتكرر
و كابوس امبارح بقى مقرر
و الدنيا علينا بتتمنظر
الحلو ماله كدا ممرر
و الحزن عليه شوية سكر
سيبك من الجهل يلا اتحضر
طبع الإنسان فينا اتغير
فكر الأغراب علينا مسيطر
ابعد عن أهلك و قرايبك
أصل الكره في قلوبنا بيكبر
ما تقولشي دا جاري أوع تفكر
تقف جنبه أو حتى تعبر
خليك فَهلَوي يلا اتشطر
اكذب و احلف وقولي بهزر
و عيوب الناس ليه تداريها
على الفيس و التيك توك اتنمر
و انشر صورك و صور أهلك
و ما تنساش بيتك أيوه اتمنظر
الدنيا يا ناس حالها اتغير
و لا احنا من الأصل بنتطبع
بنافس في الغابة وحوشها
و بنجيب العيب على دنيتنا
بنصارع ذاتنا و أرواحنا
و نقول دا نصيبنا و زماننا
ما سألتش نفسك ايه اتغير ؟
عايشين في الجهل بنتورث
أمراض بالكوم
و كورونا علينا بتتحور
إزاي في العتمة هنتغير ؟
مين هيغير ؟؟
و احنا في التافهة بنتصدر
نفوسنا امته هتتحرر ؟؟
تهاني بركات ٣٠ / ٩ / ٢٠٢٢
تعليقات
إرسال تعليق